حساب پی د موبایل بانکوالۍ یوه حلللاره ده، چې د بېلابیلو چينلونو اداینې لکه: د موبایل ادینې، د کارت اداینې او همدارنګه د آنلاینو اداینو په شمول غوره آسانتیاوې رامنځته کړې دي. د حساب پی کاروونکي کولای شي د حساب پی له لارې خپلې اداینې ترسره کړي.

حساب پی، د سوداګریو لپاره په خوندي بڼه د آنلاین اداینو زمینه برابروي. دا چاره له سوداګریو سره د عایداتو د راټولولو په برخه کې د مؤثریت او روڼتیا په مينځته راتګ کې پوره مرسته کوي. د حساب پې یو له پرمختللو ځانګرتیاوو څخه د (API) د خدماتو چمتو کول دي چې له دې لارې د حسابدارۍ/مالي او معلوماتي سیستمونو سره نښول کېږي؛ ترڅو د بېلونو، انوایسونو د اداینو او د معاملاتو راپور سمدلاسه چمتو کړي. سربیره پردې، د (API) خدماتو له لارې، حساب پی د میاشتنیو بېلونو د اداینو د اتومات کولو لپاره د تکراري اداینې غوراوی چمتو کړی دی. د حساب پی په نورو ځانګړتیاوو کې د پیسو فوري لېږد (instant fund transfers)،د بېل اداینې، دوکاندارانو ته اداینې، د موبایل کرېډېټ پېرودل، مالي مرستې او بریښنایی مالیې شاملې دي، چې نورې ځانګړتیاوې په دوامداره بڼه په کار اچول شوې دي.

حساب پی په چټکه او خوندي بڼه مالي راکړې ورکړې تضمينوي.

د حساب پی د اداینو ډول

حساب پی، د مرکزي بانک د وروستنۍ خبرتیا پر اساس، چې ټولې اداینې باید په ډیجیټل بڼه ترسره شي، هڅه کوي چې د ځانګړو خدماتو په وړاندې کولو سره د برېښنايي اداینو پروسه اسانه کړي.

ویبینار:

یو ساده، د تعقیب لپاره اسانه ویبینار رامینځته شوی چې د فیس ورکونکو په هدف د تادیې نوي پروسې AZ تشریح کوي. د شریکولو اسانتیا لپاره په پراخه کچه فشار شوی. ساده، ښکلي ګرافیک د لاسرسي وړ پوهیدو ته اجازه ورکوي.

خادم:

د برېښنايي بټوو درلودونکي، چې بانکي حسابونه نه لري، د بېلګې په توګه: د اېم پیسه (MPaisa)، ام ټي ان مومو (MTN- Momo)، پولم (My Money) پېرودونکو ته د دې اجازه ورکوي، چې خپلې اداینې د حساب پی له لارې ترسره کړي.

د اېم پاز (m-POS) چمتو کول:

د اېم پاز (m-POS) له لارې د معاملو ترسره کول، موسساتو ته اجازه ورکوي، چې د کارتونو له لارې اداینې ترلاسه کړي.

حساب پی + MIS:

د معلوماتو د مدیریت سیسټم (MIS) وصلېدل له API سره، د دې زمینه برابروي، چې په ورته وخت کې ټولې اداینې وڅارل شي. د تادیه کوونکو ټول لګښتونه د تادیه شویو، ځنډول شويو، او هغه اداینو چې بشپړې شوې نه دي فلټر کړي. د سافټویر پراختیا ورکونکی ټیم: په اوونۍ کې ۷ ورځې ستاسو د هرې ستونزې د حل کولو په موخه ستاسو په چوپړ کې دي.

حساب پی به، د اداینو د ډیجیټل کولو په موخه، په ټولو راکړو ورکړو کې ترټولو ټیټ لګښت ته ژمن وي.

ولې حساب پی؟

حساب پی، د ډیجیټلي اداینو د غوره خدماتو د وړاندې کوونکي په توګه تر ټولو مخکښ شرکت دی، چې غوره او جامع خدمات وړاندې کوي او لاندې خدمات په بر کې نيسي:

• • حساب پی د موبایل اپلېکېشن

• • د بانکي کارتونو لپاره د اېم پاز (m-POS) او پاز (POS) له لارې د اداینې ترسره کول

• • په اپلېکېشن کې د بېل اداینه

• • په آنلاین او آفلاین بڼه د اپلېکېشن دننه د اداینو غوراويو شتون (د USSD له لارې)

• • د (MIS) سره د (API) وصلېدل، په ورته وخت کې د ټولو پېرودونکو د اداینو وروستي حالت (د تاديې، ځنډول شوې یا هم د پېش فرض په بڼه ډلبندي شوي) ته لاسرسی چمتو کوي.

د محرمیت پالیسي

د دې محرمیت پالیسۍ د تطبیق ساحه یوازې د وېب له لارې د حساب پې د کارونې (Hesab Merchant) (وېبياڼه (https://hesab.com/ ) او د موبایل اپلېکېشن پورې محدودیږي. د پېردونکو د محرمیت ساتنه د حساب پې او د زینزیر(Zinzir Ltd)‌ شرکت یو له مهمو لومړیتوبونو څخه ده. موږ خپله ټوله هڅه کوو؛ ترڅو د پېرودونکو/کاروونکو لخوا ترلاسه شوي معلومات له هر ډول لاسرسي او خطر څخه خوندي وساتو.

دا پالیسي د حساب پې له لوري یوه خبرتیا ده چې سوداګرو او سازمانونو ته ورکول کیږي؛ ترڅو دوی پوه شي چې موږ کوم معلومات له دوی څخه راټولوو او په څه ډول د دې معلوماتو د محرمیت ساتنه کوو، کله او له چا سره یې شریکوو، کوم کسان به د دوی معلوماتو ته لاسرسی ولري، پر خپلو معلوماتو د دوی کنټرول او دې ته ورته د یو شمېر نورو مهمو مسایلو په هکله دوی ته خبر او وضاحت ورکول کیږي.

سوداګر او سازمانونه باید ټوله پالیسي يه غور سره ولولي او ځان پرې پوه کړي. د پالیسۍ نه لوستل یا پرې نه پوهېدل سوداګر او سازمانونه له خپل مسوولیت څخه نه شي خلاصولی، ځکه چې سوداګر او سازمانونه د حساب پرانیستلو پر وخت او یا هم کله چې زموږ په وېبپاڼه او نورو اړوندو وېبپاڼو او کاریالونو (اپلېکېشنونو)کې زمونږ له خدماتو، منځپانګو او د وړاندې شویو ځانګړتیاوو څخه ګټه اخلي؛ نو په اتومات ډول زموږ پالیسي یې منلې او له هغې سره یې موافقت کړی دی.

راټول شوي معلومات

د دې لپاره چې کاروونکي زموږ له چوپړتیاوو څخه ګټه واخلي، مونږ له دوی څخه لاندې ذکر شوي مالومات غواړو/ او کېدی شي چې له هغوی څخه يې ترلاسه کړو:

• • زمونږ د چوپړتیاوو د کارونې په موخه په لومړي ځل د حساب د پرانیستلو لپاره شخصي مالومات لکه: د سوداګر نوم، د پېژندپاڼې عکس، د اړیکې شمېره او برېښناليک اړین دي.

• • د لومړني راجسټرېشن لپاره د سوداګرۍ معلوماتو لکه: د پلورنځي نوم، پته، د جواز کاپي، او د ملکیت ډول ته اړتیا ده.

• • که کاروونکی اجازه ورکړي، مونږ به د دوی د ګرځنده مبایل اړیکلورو، لنډ لیکلي پيغامونو، کامرې، او د ټېلیفون حافظې ته لاسرسی ولرو. کاروونکي کولای شي چې هر وخت دې ځانګړنو ته د تنظیماتو له لارې د نورو لاسرسی لنډ کړي.

• • د معاملاتو اړوند معلومات؛ د بېلګې په توګه: د کاروونکو د بانک نوم، بانکي ګڼوڼ (حساب)، برېښنالیک، د ډېبېټ او کرېډېټ کارتونو شمېره، د کاروونکي یا ګټه اخستونکي نوم، اړیکشمېره، برېښنالیک، بانکي ګڼوڼ (حساب) او یا د کرېډېټ او ډېبېټ کارتونو معلومات او د معاملاتو مخینه.

• • د وسایلو اړوند مالومات؛ د بېلګې په توګه، د پوستکالي (سافټ ویر) او سختکالي (هارډ ویر) اړوند جزییات چې کاروونکي یې زمونږ د خدمتونو څخه د ګټې اخیستنې پر مهال کاروي؛ د سوداګرو د آی پي (IP) پته، د مک(Mac) پته، آي مي (IMEI) شمېره، د ټېلیفون ماډل، د لټوني (بروزر) ډول، او د انټرنېټي خدمتونو چمتو کوونکی (ISP)

• • زمونږ د وېبسایټ او کاریال د کارونې پر مهال به حساب پې ستاسې جغرافیوي موقعیت په تړاو مالومات ترلاسه کړي.

له درېیمګړې ډلې سره د معلوماتو شریکول

• • کله چې د صلاحیت لرونکې محکمې له لورې په دې تړاو امر وشي.

• • که په رسمي توګه د کومې بلې دولتي اداراې له لورې د احضارلیک، د محکمې د حکم او یا د کومې بلې قانوني کړنلارې له مخې غوښتنه وشي.

• • د قانون سره سم، د فزیکي او مالي تاوان د مخنیوي په موخه د شکمنو یا غیر قانوني فعالیت/فعالیتونو او یا معاملې/معاملو په اړه راپور ورکول او یا هم پلټنه کول.

• • د ښه نیت له مخې، د بانکدارۍ د قوانینو او نورو قانوني پروسو د رعایتولو په موخه د سوداګرو د معلوماتو شریکول لازمي وي.

• • زمونږ له مورني، خورني، او/ یا هم فرعي شرکتونو سره او/ یا هغه درېیمې ډلې چې د حساب پې سره شریک دي. نو په همدې ډول دوی ټول د حساب پې او ورته محرمیت او پټنتیا د تګلارو پر مراعت مکلف دي.

• • له هغه درېیمو ډلو سره چې حساب پې قرارداد لري، نوموړې ټولې درېیمې ډلې زمونږ د محرمیت او پټنتیا د تګلارو پر مراعت مکلفې دي.

• • له نورو څخه د اداینو د ترلاسه کولو پر مهال؛ کله چې د د معاملې د ترسره کولو لپاره د معلوماتو شریکول اړین وي.

• • کله چې سوداګر په خپله خوښه وغواړي چې د دوی معلومات دې له نورو سره شریک شي.

پر معلوماتو د کاروونکو له لوري کنټرول او لاسرسی

ټول سوداګر به پرهغه معلوماتو چې د دوی له لورې شریکیږي، کنترول او لاسرسی ولري. فرض کړئ، هغه معلومات چې لا له وړاندې د کاروونکي له لورې شریک شوي دي؛ (د بېلګې به توګه د دوی فزیکي پته، برېښنالیک، یا اړیکشمېره او یا نور معلومات) پکې د پام وړ بدلون راغلی وي یا نور دوی نه غواړي چې زمونږ له چوپړتیاوو ګټه پورته کړي، دوی کولای شي چې خپل سوداګریز حساب پې ګڼوڼ (حساب) ته د ننوتلو له لارې خپل اړونده ټول معلومات سم، بدل، زیات، نوي، او ړنګ کړي. په هر حالت کې، کاروونکي مکلف دي چې زمونږ له خدمتونو څخه په سمه توګه د ګټې اخستنې لپاره خپل کره معلومات له مونږ سره شریک کړي.

خوندیتوب

حساب پې، د کاروونکي د شخصي معلوماتو د ساتنې لپاره خپله هره ممکنه هڅه کوي. دا چې کاروونکي مو له درغلیو او د دوی له معلوماتو څخه د ناوړه ګټې اخیستنې پر وړاندې ساتلي وي، مونږ د دوی معلومات د وروستیو ټکنالوژیو پرمټ، د بېلګې په توکه: فایر وال او د معلوماتو کوډ کول (انکرېپشن)؛ زمونږ د معلوماتو مرکز ته د فزیکي لاسرسي کنترول؛ او معلوماتو ته لاسرسي د واک کنټرول له لارې خوندي کړي دي، مونږ د (PCI-DSS) له لورې تصدیق شوي یو. د اړونده تاوان، ناوړه ګټې اخیستنې، پرته له اجازې لاسرسی، او د بدلون د خطراتو د کموونې لپاره مونږ د خوندیتوب له تخنیکي او اداري اصولو څخه ګټه اخلو. هره ترسره شوې معامله د حساب پې د کاریال له لورې په بشپړه توګه کوډ (انکرېپټېډ) کېږي.

درېیمګړې ډلې

ټول کاروونکي باید په دې خبر وي، کله چې دوی له نورو ډلو لکه د سوداګر، پلورونکو او یا نورو کاروونکو سره معامله ترسره کوي، حساب پې د دوی د کړنو پر وړاندې د اړونده معلوماتو د ساتنې د لارو چارو په شمول؛ هېڅ کوم مسولیت نه لري.

په تګلاره کې بدلونونه

حساب پې، د خپل واک له مخې کولای شي چې هر وخت د محرمیت تګلاره کې سمون، تعدیل، او بدلون راولي او یا یې هم باطله کړي. په هر ترتیب، ټول سوداګر به په تګلاره کې د هر بدلون په اړه خبر شي او د تګلارې کره شوې بڼه به زمونږ د وېبسایټ پرمخ وځړیږي. که چېرته سمون، تعدیل، او یا بدلون اړین وي، مونږ به د خبرتیا د سیستم له لارې ټولو کاروونکو ته لمړنۍ خبرتیا ورکړو. له شریک شوو بدلونونو څخه وروسته، د کاروونکو له لورې زمونږ څخه د لیدنې او زمونږ له کاریال او خدمتونو څخه د ګټنې د دوام پرېکړه؛ په رسمي توګه د نوې محرمیت د تګلارې د منلو په مانا ده.