د محرمیت تګلاره

ساحه

د دې محرمیت د تګلارې ”تګلاره“ ساحه یوازې د حساب پې (وېبسایټ “https://hesab.com/” او ګرځنده مبایل کاریال) په خپل ځان کې رانغاړي. حساب پې د ګرځنده مبایل کاریال دی چې د زينزير لمېټېډ کمپنۍ له لورې جوړ شوی دی. د کاروونکو محرمیت د زينزیر لمېټېډ کمپنۍ لپاره تر ټولو ستر لومړیتوب دی، مونږ هره ممکنه هڅه کوو تر څو ډاډ ترلاسه کړو چې د کاروونکو له لورې شریک شوي معلوماتو ته کوم ګواښ شتون نه لري.

دغه تګلاره د زینزیرلمېټېډ له لورې یوه خبرپاڼه ده چې، کاروونکي د هغه معلوماتو د محرمیت او ساتنې په اړه خبروي، چې مونږ یې له دوی اخلو، چې کله او له چا سره اړونده معلومات شریک کړو، څوک کولای شي چې د دوی معلوماتو ته لاسرسی ولري، پر خپلو معلوماتو د کاروونکو کنترول او بلا ډېر مهم موضوعات واضح کوي.

کاروونکي باید ټوله پاليسي ولولي او ځان پرې پوه کړي. د پاليسۍ نه لوستل او ځان پرې نه پوهول، کاروونکی له مسولیت څخه نه خلاصوي. کاروونکي هغه مهال چې زمونږ د چوپړتیاوو د کارونې لپاره؛ هغه منځپانګې او ځانګړنې چې زمونږ د وېبسایټ، اړونده نورو وېبسایټونو، او کاریالونو له لورې وړاندې کیږي، ننوځي؛ نو کاروونکی نوموړې تګلاره په سمدستي توګه مني او ورسره هوکړه کوي.

راټول شوي معلومات

د دې لپاره چې کاروونکي زموږ له چوپړتیاوو څخه ګټه واخلي، مونږ له دوی څخه لاندې ذکر شوي مالومات غواړو/ او کېدی شي چې له هغوی څخه يې ترلاسه کړو:

زمونږ د چوپړتیاوو د کارونې لپاره د یوې باوري اړیکشمېرې درلودل؛ یواځیني شخصي معلومات دي چې د لومړني ثبت په موخه اړین دي.

که کاروونکي اجازه راکړي، مونږ به د دوی د ګرځنده مبایل اړیکلورو، لنډ لیکلي پيغامونو، کامرې، او د ټېلیفون حافظې ته لاسرسی ولرو. کاروونکي کولای شي چې هر وخت دې ځانګړنو ته د تنظیماتو له لارې د نورو لاسرسی لنډ کړي.

د معاملاتو اړوند معلومات؛ د بېلګې په توګه: د کاروونکو د بانک نوم، بانکي ګڼوڼ (حساب)، برېښنالیک، د ډېبېټ او کرېډېټ کارتونو شمېره، د کاروونکي یا ګټه اخستونکي نوم، اړیکشمېره، برېښنالیک، بانکي ګڼوڼ (حساب) او یا د کرېډېټ او ډېبېټ کارتونو معلومات او د معاملاتو مخینه.

د مالیې د تصفیې په موخه د کاروونکي د سوداګرۍ اړوند معلومات؛ د بېلګې په توګه: د سوداګرۍ نوم، فزیکي پته، د اړیکې وسیلې، میاشتني، درې میاشتني، او کلني عواید، د مالیې د پېژندنې شمېره ټي آي اېن (TIN)، د کارکوونکو لېست او که چېرته کرایه کوونکي وي؛ نو د کور دشخصي مالک معلومات.

شخصي، سوداګریز یا د کاروونکو په اړه نور معلومات د نورو لارو څخه لکه: زمونږ اصلي شرکت، فرعي شرکتونو، شریکانو او یا له قراردادیانو څخه راټول شوي دي.

د وسایلو اړوند مالومات؛ د بېلګې په توګه، د پوستکالي (سافټ ویر) او سختکالي (هارډ ویر) اړوند جزییات چې کاروونکي یې زمونږ د خدمتونو څخه د ګټې اخیستنې پر مهال کاروي؛ د سوداګرو د آی پي (IP) پته، د مک(Mac) پته، آي مي (IMEI) شمېره، د ټېلیفون ماډل، د لټوني (بروزر) ډول، او د انټرنېټي خدمتونو چمتو کوونکی (ISP)

زمونږ د وېبسایټ او کاریال د کارونې پر مهال به حساب پې ستاسې جغرافیوي موقعیت (GPS همغږي) په تړاو مالومات ترلاسه کړي.

د معلوماتو راټولولو موخه

مونږ د کاروونکو مالومات د لاندې موخو لپاره راټولوو:

· ترڅو زمونږ خدماتو ته لاسرسی ولري.

· کاروونکو ته خوندي، ګړندۍ، اغېزمنه، او ځانګړې تجربه ورکړو.

· د مالیې ورکولو په برخه کې له دوی سره مرسته وکړو.

· د دوی د هویت د تایید لپاره.

· د دوی له معاملاتو څخه ساتنه وکړو.

· د دوی کارکوونکو ته اداینه وکړو.

· ترڅو خپل معاشونه ترلاسه کړي.

· له درغلۍ او نورو غیر قانوني معاملو څخه مخنیوی وکړي.

· کاروونکي له خپلو معاملو خبر کړي.

· کاروونکي له هر ډول ساتل شوو، ناکامې شوو او باطلې شوو معاملو څخه خبر کړي.

· د پیرودونکو لپاره د ملاتړ چمتو کول.

· کاروونکو ته د ګڼوڼ (حساب) بشپړ کنترول ورکړي.

· له کاروونکو سره د دوی د ګڼوڼوڼو (حسابونو) د ستونزې په حل کولو کې مرسته وکړي.

· کېدای شي چې مونږ ستاسو شخصي معلومات له هغه معلوماتو سره چې مونږ یې له نورو شرکتونو څخه د حساب پې د چوپړتیاوو او منځپانګې د لا بډاینې او ځانګړې کولو په موخه راټولوو، یوځای کړو.

· په شرطونو، مقرراتو او یا هم په تګلاره کې د هر ډول تازه معلوماتو او یا هم هر ډول بدلون په تړاو خبر ورکړي.

· د کاریال (اپلېکېشن) او د برېښنالیک خبرتیاوو له لارې کاروونکو ته تبلیغاتي خبرلیک او نوي معلومات ولېږي.

له درېیمګړې ډلې سره د معلوماتو شریکول

زينزیر لمېټېډ د درېیمګړې ډلې پر وړاندې د کاروونکو د معلوماتو د خوندیتوب په اړه ډېر محتاط دی. مونږ په بشپړه توګه، د کاروونکي معلومات د درېیمګړې ډلې د بازار موندنې او یا کومې بلې موخې لپاره نه خرڅوو، نه یې په کرایه ورکوو، نه یې ډالۍ او یا شریکوو او نه یې چا ته لېږو؛ خو، په لاندې حالتونو کې مونږ د کاروونکي معلومات شریکوو:

• • کله چې د صلاحیت لرونکې محکمې له لورې په دې تړاو امر وشي.

• • که په رسمي توګه د کومې بلې دولتي اداراې له لورې د احضارلیک، د محکمې د حکم او یا د کومې بلې قانوني کړنلارې له مخې غوښتنه وشي.

• • کله چې د فزیکي زیان، مالي زیان، راپور ورکولو او/یا د شکمنو یا غیرقانوني فعالیتونو او/یا راکړې ورکړې د مخنیوي لپاره د قانون سره سم عمل کول.

• • په ښه نیت سره کله چې د کاروونکو معلوماتو شریکول د بانکي مقرراتو یا نورو قانوني پروسو سره مطابقت ته اړ دي.

• • زموږ د مور او پلار، خور، او/یا فرعي شرکتونو سره چې HesabPay ورسره ملګرتیا کوي، په دې حالت کې به دوی ټول د ورته محرمیت او محرمیت پالیسیو پابند وي لکه HesabPay.

• • د HesabPay سره د تړون لاندې دریمې ډلې سره، دا ټولې دریمې ډلې به زموږ د محرمیت او محرمیت پالیسیو پابند وي.

• • د نورو سره د راکړې ورکړې پر مهال، د راکړې ورکړې بشپړولو لپاره د معلوماتو شریکول اړین دي، په ځانګړې توګه لکه څنګه چې د خپل پیرودونکي پیژندلو، خپل لیږد پیژندلو، او/یا د سفر قانون لپاره د نړیوالو مقرراتو سره مطابقت ته اړتیا ده.

• • کله چې کاروونکي په څرګند ډول رضایت لري او اجازه ورکوي چې خپل معلومات شریک کړي.

د کاروونکو کنټرول او د دوی معلوماتو ته لاسرسی

ټول کاروونکي به پرهغه معلوماتو چې د دوی له لورې شریکیږي، کنترول او لاسرسی ولري. فرض کړئ، هغه معلومات چې لا له وړاندې د کاروونکي له لورې شریک شوي دي؛ (د بېلګې به توګه د دوی فزیکي پته، برېښنالیک، یا اړیکشمېره او یا نور معلومات) پکې د پام وړ بدلون راغلی وي یا نور دوی نه غواړي چې زمونږ له چوپړتیاوو ګټه پورته کړي، دوی کولای شي چې خپل حساب پې ګڼوڼ (حساب) ته د ننوتلو له لارې خپل اړونده ټول معلومات سم، بدل، زیات، نوي، او ړنګ کړي. په هر حالت کې، کاروونکي مکلف دي چې زمونږ له خدمتونو څخه په سمه توګه د ګټې اخستنې لپاره خپل کره معلومات له مونږ سره شریک کړي.

خوندیتوب

حساب پې، د کاروونکي د شخصي معلوماتو د ساتنې لپاره خپله هره ممکنه هڅه کوي. دا چې کاروونکي مو له درغلیو او د دوی له معلوماتو څخه د ناوړه ګټې اخیستنې پر وړاندې ساتلي وي، مونږ د دوی معلومات د وروستیو ټکنالوژیو پرمټ، د بېلګې په توکه: فایر وال او د معلوماتو کوډ کول (انکرېپشن)؛ زمونږ د معلوماتو مرکز ته د فزیکي لاسرسي کنترول؛ او معلوماتو ته لاسرسي د واک کنټرول له لارې خوندي کړي دي، مونږ د (PCI-DSS) له لورې تصدیق شوي یو. د اړونده تاوان، ناوړه ګټې اخیستنې، پرته له اجازې لاسرسی، او د بدلون د خطراتو د کموونې لپاره مونږ د خوندیتوب له تخنیکي او اداري اصولو څخه ګټه اخلو. هره ترسره شوې معامله د حساب پې د کاریال له لورې په بشپړه توګه کوډ (انکرېپټېډ) کېږي.

درېیمګړې ډلې

ټول کاروونکي باید په دې خبر وي، کله چې دوی له نورو ډلو لکه د سوداګر، پلورونکو او یا نورو کاروونکو سره معامله ترسره کوي، حساب پې د دوی د کړنو پر وړاندې د اړونده معلوماتو د ساتنې د لارو چارو په شمول؛ هېڅ کوم مسولیت نه لري.

د اړیکلور واردول

کاروونکي کولای شي چې د خپل ګرځنده ټېلیفون څخه اپلېکېشن ته اړیکلوري وارد کړي. سیستم به سمدستي ټولې هغه اړیکشمېرې چې د حساب پې د ګڼوڼ (حساب) لپاره کارول کېږي، وپېژني او د کاروونکو لپاره به د لېږد چارې خورا آسانه کړي.

په تګلاره کې بدلونونه

حساب پې، د خپل واک له مخې کولای شي چې هر وخت د محرمیت تګلاره کې سمون، تعدیل، او بدلون راولي او یا یې هم باطله کړي. په هر ترتیب، ټول سوداګر به په تګلاره کې د هر بدلون په اړه خبر شي او د تګلارې کره شوې بڼه به زمونږ د وېبسایټ پرمخ وځړیږي. که چېرته سمون، تعدیل، او یا بدلون اړین وي، مونږ به د خبرتیا د سیستم له لارې ټولو کاروونکو ته لمړنۍ خبرتیا ورکړو. له شریک شوو بدلونونو څخه وروسته، د کاروونکو له لورې زمونږ څخه د لیدنې او زمونږ له کاریال او خدمتونو څخه د ګټنې د دوام پرېکړه؛ په رسمي توګه د نوې محرمیت د تګلارې د منلو په مانا ده.

د حساب ړنګول

که چېرې تاسو د خپل حساب ړنګول غواړئ، نو مونږ تاسو ته، ستاسو د محرمیت ساتنې په برخه کې ډاډ درکوو، چې د حساب ړنګولو په پروسه کې، ستاسو ټول معلومات به د تل لپاره زموږ له سیسټمونو څخه حذف شي. دا چې څرنګه خپل حساب ړنګ کړئ؛ نو په آسانه توګه کلېک وکړئ دلته.